देश भक्ति गीत कविता मराठी | Desh Bhakti Par Geet Marathi

नमस्कार मित्रांनो , आज आपण देश भक्ति गीत कविता मराठी मधून बघणार आहोत. आपल्या देशाचा प्रत्येकालाच अभिमान असतो. देशभक्तीवर आधारित गीत / कविता आपल्यामध्ये एक वेगळाच जोश उत्साह भरतात. अशाच आपल्या प्रिय भारत देशाचे वर्णन करणाऱ्या कविता तसेच गीत आपण इथे बघू.

1. करितो आम्ही प्रणाम

झेंडा आमुचा प्रिय देशाचा , फडकत वरी महान

करितो आम्ही प्रणाम याला , करितो आम्ही प्रणाम || धृ ||

लढले गांधी याच्याकरिता , टिळक नेहरू लढती जनता .....

समर धुरेधर वीर खरोखर अर्पूनि गेले प्राण || १ ||

भारतमाता आमुची माता , आम्ही गातो या जयगीता ......

हिमालयाच्या उंच शिखरावर , फडकत राही निशाण......

करितो आम्ही प्रणाम याला , करितो आम्ही प्रणाम || २ ||

या देशाची पवित्र माती , जुळवी आमुच्या मधली नाती .......

एक नाद गर्जतो भरता , तुझा आम्हा अभिमान ......

करितो आम्ही प्रणाम याला , करितो आम्ही प्रणाम || ३ ||

गगनावरी अन सागरातीरी , सळसळ करिती लाटा लहरी

जय जय भारत जय , जय भारत जय

करितो आम्ही प्रणाम याला , करितो आम्ही प्रणाम || ४ ||

2. हा देश माझा याचे भान

हा देश माझा याचे भान जरासे राहू द्या रे

जरा से राहू द्या ........ || धृ ||

हा उंच हिमालय माझा , हा विशाल सागर माझा

ह्या गंगा , यमुना , शेती धरती , बाग बगीचा माझा

अभिलाषा ह्याची धरिता कुणाची नजर वाकडी करिता

या मरण द्यावया स्फुरण , आपुले बहू वाहू द्या रे ||| १ ||

हा देश माझा याचे भान जरासे राहू द्या रे

जरा से राहू द्या ........

जे हात उत्सुकलेले दगडांच्या वर्षावाला ,

रोका लावा कार्याला या देशाच्या प्रगतीला

हे बंद करा उत्पात , थांबवा आपुला घात

समर्थ न जावो व्यर्थ काहीसा , अर्थही येऊ द्या रे ||| २ ||

हा देश माझा याचे भान जरासे राहू द्या रे

जरा से राहू द्या ........

जरी अनेक आपुले धर्म , अनेक आपुल्या जाती

परी अभंग असू द्या सदैव , आपुली माणुसकीची नाती

द्या सर्व दूर ललकारी , फुंका रे एक तुतारी

संदेश रोष हे द्वेष मनातील वाहून जाऊ द्या रे ||| ३ ||

हा देश माझा याचे भान जरासे राहू द्या रे

जरा से राहू द्या ........

3. ते देशासाठी लढले

ते देशासाठी लढले , ते अमर हुतात्मे झाले || धृ ||

सोडिले सर्व घरदार , त्यागिला सुखी संसार

ज्योतीसम जीवन जगले , ते देशासाठी लढले || १ ||

तो तुरुंगवास ते उपवास , सोसला किती वनवास

कुणी फसवरती चढले , ते देशासाठी लढले || २ ||

झगडले झुंजले जनता , मग स्वतंत्र झाली माता ,

हिम शिखरी ध्वज फडफडले , ते देशासाठी लढले || ३ ||

हा राष्ट्र ध्वज साक्षिला , करू आपण वंदन याला

जय गीत गाऊया आपले , ते देशासाठी लढले || ४ ||

4. चला मुलांनो आज गाऊया

चला मुलांनो आज गाऊया स्वातंत्र्याचे गान

एकमुखाने गर्जु चला रे भारत देश महान || धृ ||

पहा झाशीची समोर किल्ला , झाशीची हि राणी

मेरी झाशी कभी न दूंगी अशी गर्जती वाणी

स्वातंत्र्याच्या यज्ञामधले हे पहिले बलिदान || १ ||