Badbad Geete Marathi Lyrics | बडबडगीते मराठी

 

नमस्कार मित्रांनो , तुम्हाला या पोस्ट मध्ये Badbad Geete Marathi Lyrics मराठी मध्ये वाचायला मिळतील. मित्रांनो जर तुम्ही महाराष्ट्रीयन असाल तर नक्की लहानपणी हि किंवा यातली काही गाणी लहानपणी ऐकली असतील आणि तुमच्या आठवणी याच्या सोबत जुळलेल्या असतील. माझा अनुभव विचाराल तर यातली बहुतेक गाणी मी शाळेत जाण्या आधीच शेजारच्या माझ्यापेक्षा वयाने मोठ्या असलेल्या मित्र मैत्रिणींकडून ऐकल्या होत्या. त्या वेळी मी शाळेत सुद्धा जात नव्हती. हि गाणी त्यांच्याकडून ऐकायला खूप मजा वाटायची .

Badbad Geete Marathi Lyrics

 मला माहिती आहे तुमच्या पण अश्याच कोणत्या ना कोणत्या प्रकारच्या आठवणी या गाण्यांसोबत असतील. त्या मला कंमेंट मध्ये नक्की सांगा. मला ते ऐकायला खूप आवडेल. चला तर मग लगेच वळूया मराठी बड़बड़ गीतांकडे -

अडगुलं, मडगुलं

अडगुलं, मडगुलं

सोन्याचं कडगुलं

रुप्याचा वाळा

तान्ह्या बाळा

तीट, टिळा.

* * * * * *

ये रे ये रे पावसा

ये रे ये रे पावसा

तुला देतो पैसा

पैसा झाला खोटा

पाऊस आला मोठा

पाऊस पडला झिम् झिम्

अंगण झाले ओले चिंब

पाऊस पडतो मुसळधार

रान होईल हिरवंगार.

* * * * * *

ये ग ये ग सरी

ये ग ये ग सरी

माझं मडकं भरी

सर आली धावून

मडकं गेलं वाहून

* * * * * *

चांदोबा लपला

चांदोबा लपला झाडीत….

आमच्या मामाच्या वाडीत….

मामाने दिली साखरमाय….

चांदोबाला फुटले पाय….

चांदोबा गेले राईत….

मामाला नव्हते माहीत….

* * * * * *

 

आपडी थापडी

आपडी थापडी

गुळाची पाडी!

धम्मक लाडू

तेल काढू!

तेलंगीचे एकच पाव

दोन हाती धरले कान!

चाऊमाऊ चाऊमाऊ

पितळीतले पाणी पिऊ

हंडा-पाणी गडप!!!!!

* * * * * *

एक होतं झुरळ

एक होतं झुरळ

चालत नव्हतं सरळ..!

तिकडून आली बस…

बसमध्ये बसलं,

तिकीट नाही काढलं….

तिकीटचेकरने पाहीलं,

चिमटीत धरून फ़ेकलं…..!!!

* * * * * *

लव लव साळूबाई

लव लव साळूबाई, मामा येतो

झुक झुक गाडीतून – नेईन म्हणतो

अटक मटक मामी येते

छानसा बॅट-बॉल देईन म्हणते

अबरू-गबरु येतो बंटया

देईन म्हणतो-सगळया गोटया

नको-नको मी इथंच बरा

आईच्या कुशीतच आनंद खरा

* * * * * *

अटक मटक

अटक मटक चवळी चटक

चवळी लागली गोड गोड

जिभेला आला फोड फोड

जिभेचा फोड फुटेना

घरचा पाहुणा उठेना

जिभेचा फोड फुटला

घराचा पाहुणा उठला !!

* * * * * *

करंगळी, मरंगळी

करंगळी, मरंगळी

मधल बोट, चाफेकळी,

तळहात – मळहात,

मनगट – कोपर,

खांदा-गळागुटी-हनुवटी,

भाताचं बोळकं,

वासाचं नळक,

काजळाच्या डब्या,

देवाजीचा पाट,

देवाजीच्या पाटावर,

चिमण्यांचा किलबिलाट.

* * * * * *

पिटुकला पाहुणा!!

पिटुकला पाहुणा!!

काल रात्री आमच्या घरी,

उंदीर आला छोटा,

त्याला पाहून आमचा उडाला,

गोंधळ केवढा मोठा!

छोटा होता चपळ फार,

धावे इकडून तिकडे,

आम्ही त्याला घाबरत होतो,

तो ही आम्हाला घाबरे,

हळूच तोंड बाहेर काढून,

नाक उडवीत होता,

त्याला कोणी पाहत नाही

याची खात्री करून घेत होता,

तो दिसताच पळवुन लावायला,

मी झाडू घेउन थांबले,

बाहेर येताच पिटुकला,

मीच घाबरून पळाले.

रात्रीपासूनआम्ही त्याच्या,

मागे पळत होतो,

त्याच्यापेक्षा आम्हीच जास्त

उडया मारत होतो.

छोटा होता मस्तीखोर,

त्याने नाना करामती केल्या,

एवढ्याशा उंदराने सार्या

घराला वेठीस धरले.

पिटुकला होता गोंडस फार,

आम्हाला जाम हसवले.

बाबाही आमचे आहेत धीट,

त्याला बरोबर बाहेर काढले.

* * * * * *

कोण? कोण?

पहाट झाली – सांगत कोण?

कुकुद्मच् कोंबडा– आणखी कोण?

विठू-विठू पोपट – आणखी कोण?

ताजं-ताजं दूध – देत कोण?

गोठयातली हम्मा – आणखी कोण?

चोरुन दूध – पितं कोण?

म्यॉव म्यॉव माऊताई – आणखी कोण?

घराची राखण – करतं कोण?

भू: भू: कुत्रा – आणखी कोण?

बागेतली भाजी – खातं कोण?

मऊ मऊ ससेभाऊ – आणखी कोण?

* * * * * *

हे पण वाचा👇👇👇

• Ithe Ithe Bas Re Kau Lyrics
• Lahan Mazi Bahuli Mothi Tichi Savli Lyrics
• Chandoba Chandoba Lyrics
• अंगाई गीत मराठी
• बडबड गीत मराठी गाणी Lyrics

तर मित्रांनो , आज आपण Badbad Geete Marathi Lyrics बघितले. तुम्हाला ही गानी कशी वाटली हे मला कमेंट मध्ये जरूर कळवा आणि याबाबतीत तुमचे काही विचार असतील तर ते सुद्धा जरूर कळवा. आणि अश्याच मराठी लिरिक्स साठी True Marathi Lyrics ला पुन्हा भेट जरूर दया।

धन्यवाद 🙏🙏🙏🙏