Maruti Aarti Marathi Madhye | हनुमनाची आरती मराठी मध्ये

नमस्कार मित्रांनो , या पोस्ट मध्ये आपण Maruti Aarti Marathi बघणार आहोत . मारुती म्हणजेच हनुमनाच्या दोन आरत्या या पोस्ट मध्ये तुम्हाला वाचायला मिळतील .

हनुमानची आरती - 1

सत्राणें उड्डाणें हुंकार वदनी |

करि डळमळ भूमंडळ सिंधुजळ गगनीं |

कडाडिले ब्रम्हांड धाके त्रिभुवनी |

सुरवर नर निशाचर त्या झाल्या पळणी ||१||

जय देव जय देव जय श्रीहनुमंता

तुमचेनी प्रसादें न भी कृतांता ||धृ||

दुमदुमलें पाताळ उठिला प्रतिशब्द |

थरथरला धरणीधर मनिला खेद |

कडाडिले पर्वत उड़गण उच्छेद |

रामी रामदास शक्तीचा शोध ||2||

जय देव जय देव जय श्रीहनुमंता ||

-श्री रामदास स्वामी

हनुमानची आरती -2

जय देवा हनुमंता । जय अंजनीसुता ॥

ॐ नमो देवदेवा । राया रामाच्या दूता ॥

आरती ओवाळीन । ब्रह्मचारी पवित्रा ॥ ध्रु ॥

वानरूपधारी । ज्याची अंजनी माता ।

हिंडता वनांतरी । भेटी झाली रघुनाथा ॥

धन्य तो रामभक्त । ज्याने मांडिली कथा ॥ जय ॥ 1 ॥

सीतेच्या शोधासाठीं । रामे दिधली आज्ञा ॥

उल्लंधुनी समुद्रतीर । गेला लंकेच्या भुवना ॥

शोधूनी अशोकवना । मुद्रा टाकिली खुणा ॥ जय ॥ 2 ॥

सीतेसी दंडवत । दोन्ही कर जोडून ॥

वन हे विध्वंसिले । मारिला अखया दारुण ।

परतोनी लंकेवरी । तवं केले दहन ॥ जय ॥ 3 ॥

निजबळे इंद्रजित । होम करी आपण ॥

तोही त्वां विध्वसिला । लघुशंका करून ॥

देखोनी पळताती । महाभूते दारुण ॥ जय ॥ 4 ॥

राम हो लक्षुमण । जरी पाताळी नेले ॥

तयांच्या शुद्धीसाठी । जळी प्रवेश केले ॥

अहिरावण महिरावण । क्षणामाजि मर्दिले ॥ जय ॥ 5 ॥

देउनी भुभुःकार । नरलोक आटीले ॥

दीनानाथ माहेरा । त्वां स्वामिसी सोडविले ॥

घेऊनी स्वामी खांदी । अयोध्येसी आणिले ॥ जय ॥ 6 ॥

हनुमंत नाम तुझे । किती वर्णू दातारा ॥

अससी सर्वांठायी । हारोहारी अम्बरा ॥

एका जनार्दनी । मुक्त झाले संसारा ॥ जय ॥ 7 ॥

हे सुद्धा नक्की वाचा :

• Mahalaxmi Aarti Lyrics In Marathi
• Renuka Aarti Marathi In Lyrics
• Hanuman Chalisa Marathi Madhe
• Shankarachi Aarti Lyrics In Marathi
• Ramachi Aarti In Marathi

मित्रांनो या पोस्ट मध्ये आपण Maruti Aarti Marathi बघितले. अधिक भक्ति सम्बंधित पोस्ट साठी True Marathi Lyrics ला पुन्हा नक्की भेट द्या.

धन्यवाद !!!!!