उजाड उघडे माळरानही कविता | Ujad Ughade Malranahi Kavita

नमस्कार, या पोस्टमध्ये आपण उजाड उघडे माळरानही कविता बघणार आहोत. इयत्ता नववीच्या बालभारतीच्या पाठ्यपुस्तकात ही कविता अभ्यासाला आहे. ललिता गादगे या कवितेच्या कवयित्री आहेत.

उजाड उघडे माळरानही कविता

स्वागत करण्या वसंत ऋतुचे

रंग उघडले दिशा- दिशांना,

बेरड कोरड इथली सृष्टी

घेऊन आली ती नजराना || १ ||

गर्द पोपटी लेऊन वसणे

मुरडत आली लिंबोनी

जर्द तांबडी कर्णफुलेही

घालून सजली नागफणी ||२ ||

लुसलुस पाने अंगोपांगी

झुले वड हा दंग होऊनी

दुरंगी चुनरीत उभी ही

घाणेरी ही नटूनी थटूनी ||३ ||

सळसळ झळझळ पिंपळ पाने

मऊ मुलायम मोर पिसा परी

सांबर लाल कळ्यांनी लखडून

उभे स्वागता पाणंदी वरी ||४ ||

पळस फुले ही बहरून आली

या मातीच्या अंकावरती

कुसुमे सारी या जगाती

पाहून त्यांना मनात झुरती ||५ ||

आंब्याच्या मोहरातून आली

कोकिळेची सुरेल तान

उजाड उघडे माळरानही

गाऊ लागले वसंत गान ||६ ||

- ललिता गादगे

※ ※ ※ ※

हे पण नक्की वाचा 👇👇👇

• पिवळे तांबूस ऊन कोवळे मराठी कविता
• बालकवींच्या निसर्ग कविता मराठी
• छोट्या मराठी कविता
• खबरदार जर टाच मारुनी कविता

तर आज आपण या पोस्टमध्ये उजाड उघडे माळरानही कविता बघितली.


पोस्ट पूर्ण वाचल्याबद्दल खूप खूप धन्यवाद !!! 🙏🙏🙏🙏