Navagraha Stotra In Marathi ॥ नवग्रह स्तोत्र ॥

नमस्कार या पोस्ट मध्ये तूम्हाला Navagraha Stotra In Marathi वाचायला मिळणार आहे. आपल्या आकाशातील ग्रहांना हिन्दू धर्मामध्ये खुप महत्व दिलेल आहे. तसेच  या ग्रहांना देवता मानण्यात येते. या स्तोत्राची रचना व्यास ऋषिनी केलि आहे. हे स्तोत्र ९ ग्रहांना केलेली प्रार्थना आहे. या स्रोत्रामध्ये नऊ गृहासाठी ९ मन्त्र दिलेले आहेत. ज्योतिष शास्त्रानुसार आकाशातील या नऊ गृह आपल्या आयुष्यावर चांगले वाईट परिणाम घडवून आणत असतात. अनेक पुजेच्या वेळी या स्रोत्राचे सुद्धा पठन केले जाते. नियमितपणे या स्रोत्राच्या पठणाने सर्व प्रकारच्या गृह पीडा कमी होण्यास मदद होते.

Navagraha Stotra In Marathi

॥ नवग्रह स्तोत्र ॥

अथ नवग्रह स्तोत्र। श्री गणेशाय नमः।

जपाकुसुम संकाशं काश्यपेयं महदद्युतिम्।

तमोरिंसर्वपापघ्नं प्रणतोSस्मि दिवाकरम्॥१॥

दधिशंखतुषाराभं क्षीरोदार्णव संभवम्।

नमामि शशिनं सोमं शंभोर्मुकुट भूषणम्॥२॥

धरणीगर्भ संभूतं विद्युत्कांति समप्रभम्।

कुमारं शक्तिहस्तं तं मंगलं प्रणमाम्यहम्॥३॥

प्रियंगुकलिकाश्यामं रुपेणाप्रतिमं बुधम्।

सौम्यं सौम्यगुणोपेतं तं बुधं प्रणमाम्यहम्॥४॥

देवानांच ऋषीनांच गुरूं कांचन सन्निभम्।

बुद्धिभूतं त्रिलोकेशं तं नमामि बृहस्पतिम्॥५॥

हिमकुंद मृणालाभं दैत्यानां परमं गुरूम्।

सर्वशास्त्र प्रवक्तारं भार्गवं प्रणमाम्यहम्॥६॥

नीलांजन समाभासं रविपुत्रं यमाग्रजम्।

छायामार्तंड संभूतं तं नमामि शनैश्चरम्॥७॥

अर्धकायं महावीर्यं चंद्रादित्य विमर्दनम्।

सिंहिकागर्भसंभूतं तं राहुं प्रणमाम्यहम्॥८॥

पलाशपुष्पसंकाशं तारकाग्रह मस्तकम्।

रौद्रंरौद्रात्मकं घोरं तं केतुं प्रणमाम्यहम्॥९॥

इति श्रीव्यासमुखोग्दीतम् यः पठेत् सुसमाहितः।

दिवा वा यदि वा रात्रौ विघ्न शांतिर्भविष्यति॥१०॥

नरनारी नृपाणांच भवेत् दुःस्वप्ननाशनम्।

ऐश्वर्यमतुलं तेषां आरोग्यं पुष्टिवर्धनम्॥११॥

ग्रहनक्षत्रजाः पीडास्तस्कराग्निसमुभ्दवाः।

ता सर्वाःप्रशमं यान्ति व्यासोब्रुते न संशयः॥१२॥

॥इति श्री वेदव्यास विरचितम् आदित्यादी नवग्रह स्तोत्रं संपूर्णं॥

नवग्रह स्तोत्राचा मराठी अर्थ -

१. जास्वंदीच्या फुलासारखी लाल रंगाची अंगकांती असलेल्या, कश्यप ऋषींच्या वंशामध्ये जन्म घेतलेल्या अत्यंत तेजस्वी, अंधाराचा शत्रू, सर्व प्रकारची पापे मिटवणाऱ्या दिवसाच्या राजाला, म्हणजेच सूर्याला मी नमस्कार करतो.


२. दही आणि शंख यांच्या तुषारंसारख्या शोभून दिसणाऱ्या, क्षीरसागरांतून निर्माण झालेल्या, भगवान शंकराच्या डोक्यावर दागिन्यांप्रमाणे शोभणाऱ्या आणि ससा धारण केलेल्या सोमाला म्हणजेच चंद्राला मी नमस्कार करतो.

३. धरणीच्या पोटांतून जन्म घेतलेल्या, विजेसारखी अंगकांती असलेल्या, हातात शक्ती हे शस्त्र धारण केलेल्या, कुमारस्वरूप अशा त्या मंगळाला मी नमस्कार करतो.

४. अशोकाच्या फुलाप्रमाणे लाल-श्यामल रंग असलेल्या, अति रूपवान, बुद्धिवंत, सोज्वळ, सरळमार्गी, सुस्वभावी बुधाला मी नमस्कार करतो.

५. देवांचा आणि ऋषींचा गुरू, सोन्यासारखी अंगकांती असलेल्या, अति बुद्धिवंत, त्रिलोकांत श्रेष्ठ अशा त्या बृहस्पतीला (गुरूला) मी नमस्कार करतो.

६. हिमकमळाच्या देठाप्रमाणे प्रभा असलेल्या, दैत्यांचा गुरू असलेल्या, सर्व शास्त्रांचे ज्ञान असलेल्या, भृगुकुळांत जन्मलेल्या शुक्राला मी नमस्कार करतो.

७. निळ्यारंगाची प्रभा असलेल्या, सूर्यपुत्र, यमाचा मोठा भाऊ असलेल्या, छाया व सूर्य यांच्या पोटी जन्मलेल्या त्या शनैश्चराला (शनीला) मी नमस्कार करतो.

८. अर्धेच शरीर धारण केलेल्या, वीर्यवान, चंद्र-सूर्याला छळणाऱ्या, सिंहीकेपासून जन्मलेल्या त्या राहूला मी नमस्कार करतो.

९. पळसाच्या फुलाप्रमाणे लाल, तारका आणि ग्रहांमध्ये प्रमुख, भीती निर्माण करणाऱ्या, रुद्राप्रमाणे तापदायक, अशा केतुला मी नमस्कार करतो.

१०. याप्रमाणे श्रीव्यास ऋषींच्या मुखांतून निघालेले हे नवग्रह स्तोत्र जो कोणी दिवसा आणि रात्री पठण करेल त्याची सर्व विघ्ने नष्ट होतील.

११. नर-नारी-राजा या सर्वांची दुःखे नष्ट होतील. त्यांचे ऐश्वर्य, आरोग्य आणि श्रेष्ठत्व यांची वृद्धी होईल.

१२. ग्रह, नक्षत्र, चोर आणि अग्नी यांपासून होणारा त्रास नष्ट होईल यांत संशय नाही, असे श्रीव्यास ऋषी म्हणतात.

अशा तऱ्हेने श्री व्यास ऋषींनी रचिलेले हे नवग्रह स्तोत्र संपूर्ण झाले.

नवग्रह स्तोत्र पठणाचे फायदे

नवग्रह स्तोत्राचा अर्थ मराठी मध्ये तुम्हाला समजला असेलच. आधी संगीतल्याप्रमणे या स्तोत्रचे नियमित पठण करण्याचे खुप फायदे आहेत.काही विशेष फायदे खली जाणून घेऊयात.

• नवग्रह स्तोत्रा च पाठ केल्याने व्यक्तीच्या महत्वाच्या कामतील अडथळे दूर होतात.

• नवग्रह स्तोत्रचे नियमित पठानाने व्यक्तीच्या कुन्डलीतील दोष आपोआप दूर हो लागतात.

• तुम्ही तुमच्या कुंडली नुसार जो मंत्र आहे त्याचा जाप केल्यास त्या ग्रहाचा तुमच्या राशिवर म्हणजेच तुमच्या जीवनावर सकारत्मक प्रभाव पडू लागतो. अणि हा मन्त्र तुमच्या कुंडली मधील नकारात्मक प्रभाव कमी करण्यास सुद्धा मदत करतो.

• या स्रोत्राच्या पठणाने जीवनात शांतिची तसेच आनंदाची प्राप्ति होते.

• हे स्तोत्र रोग अणि आजार दूर ठेवण्यास मदत करतात.

हे पण वाचा 👇👇👇

• Surya Stotra In Marathi
• Shiv Raksha Stotra Lyrics
• Vishnu Sahasranamam Stotra Lyrics Marathi
• Shani Stotra In Marathi

मित्रांनो आज आपण Navagraha Stotra In Marathi बघितले. अश्याच भक्ति सम्बंधित पोस्ट साठी True Marathi Lyrics ला पुन्हा भेट नक्की दया.

हि पोस्ट वाचल्याबद्दल खूप खूप धन्यवाद 🙏🙏🙏!!!!!!!!!!!!!!!!!