Ekadashi Bhajan Marathi | एकादशी स्पेशल भजने मराठी मधून

नमस्कार, या पोस्टमध्ये तुम्हाला Ekadashi Bhajan Marathi वाचायला मिळतील. एकादशीच्या वेळी म्हणायची विठ्ठलाची काही खास भजने आपण इथे बघणार आहोत.

Ekadashi Bhajan Marathi

🙏🙏🙏🙏🙏

भजन - १

धावूनी ये विठ्ठला सत्वरी

सुनी सुनी वाटे तुझी पंढरी || धृ ||

पंढरी सोडून पांडुरंगा गेलासी का दूर

तू नसताना उदास वाटे तुझे हे पंढरपूर

पाहिले आम्ही एक नाथा घरी

सुनी सुनी वाटे तुझी पंढरी || १ ||

संत सावत्याच्या मळ्यामध्ये तू गेला का पांडुरंगा

देवा इथं तू नाही म्हणून मी आटली ही चंद्रभागा

बसला कुठे तू कूण्या मंदिरी

सुनी सुनी वाटे तुझी पंढरी || २ ||

सखू जनाबाईची कामे कराया रमलाशी का देवा ?

चोखोबाची गुरे ओढणी दमलाशी काय देवा

सोपानाच्या सख्या श्रीहरी

सुनी सुनी वाटे तुझी पंढरी || ३ ||

धावूनी ये विठ्ठला सत्वरी

सुनी सुनी वाटे तुझी पंढरी || धृ ||

—⸎ — ⸎ — ⸎ —

भजन - २

विठ्ठलाला कधी मी पाहीन

एकादशीला पंढरी जाईन || धृ ||

चंद्रभागेच्या तिरी पुंडलिक मध्यावरी

त्याचं दर्शन दुरून घेईन

एकादशीला पंढरी जाईन || १ ||

अबीर बुक्क्यानं भरलय ताट

मी जाते राउळात

विठ्ठलाला बूक्का मी वाहीन

एकादशीला पंढरी जाईन || २ ||

जाते राउळात थेट

तिथे सखुबाईचा मठ

ज्यांनी म्हणे देवा अभंग गाईन

एकादशीला पंढरी जाईन || ३ ||

विठ्ठलाला कधी मी पाहीन

एकादशीला पंढरी जाईन || धृ ||

—⸎ — ⸎ — ⸎ —

भजन - ३

माझ्या या मनाच्या मंदिरात

विठुरायाची पांडुरंगाची पहात होते वाट || धृ ||

मायेचा दोर तोडा ग

विठूला प्रेमाने जोडा ग

देव येईल वदनात

विठुरायाची पांडुरंगाची पहात होते वाट || १ ||

माया मोह सोडा ग

भजन कीर्तन करा ग

देव येईल येईल भजनात

विठुरायाची पांडुरंगाची पहात होते वाट || २ ||

अहंकार सारा सोडा ग

मोक्षाचा मार्ग धरा ग

देव येईल येईल संसारात

विठुरायाची पांडुरंगाची पहात होते वाट || ३ ||

नामदेव बसले पायरीवरी

सखू उभी राहिली महाद्वारी

देव वसले वसले हृदयात

विठुरायाची पांडुरंगाची पहात होते वाट || ४ ||

एका जनार्दनी ध्यानी मनी

चक्रपाणी आले भूवरी

बोला विठ्ठल विठ्ठल गजरात

विठुरायाची पांडुरंगाची पहात होते वाट || ५ ||

माझ्या या मनाच्या मंदिरात

विठुरायाची पांडुरंगाची पहात होते वाट || धृ ||

—⸎ — ⸎ — ⸎ —

भजन - ४

उसळली चंद्रभागा पाणी हे अथांग

आंघोळीची वेळ झाली उठा पांडुरंग || धृ ||

घरोघरी सुवासिनी टाकितात सडा

चंद्रभागेच्या पाण्याने भरलाय घडा

कुंकवाने माझा भरलाय भांग ..

आंघोळीची वेळ झाली उठा पांडुरंग || १ ||

राउळात आता गलबत सारे गोळा झाले

पांडुरंग भेटीसाठी पहा भक्त आले

पाऊलांच्या खेळावर टाळ नी मृदुंग

आंघोळीची वेळ झाली उठा पांडुरंग || २ ||

कळसाचं सोनं राऊळाची शोभा

कटेवरी हात विटेवरी उभा

विठुराया उभा आहे रखुमाई दंग

आंघोळीची वेळ झाली उठा पांडुरंग || ३ ||

उसळली चंद्रभागा पाणी हे अथांग 

आंघोळीची वेळ झाली उठा पांडुरंग || धृ ||

—⸎ — ⸎ — ⸎ —

भजन - ५

विठ्ठल विठ्ठल जप करिते मनात

करिते मनात उभी तुळशीच्या बनात || धृ ||

तुळशी ग बाई तुझं खोड काय केलं ?

विठ्ठलाच्या पालखीला घडविण्यास दिल || १ ||

तुळशी ग बाई तुझ्या फांद्या काय केल्या ?

वारकऱ्यांच्या गळ्यामध्ये तुळशी माळा केल्या || २||

तुळशी ग बाई तुझ्या मंजुळा काय केल्या ?

विठ्ठलाच्या गळ्यातल्या हारामध्ये गुंफल्या || ३ ||

तुळशी ग बाई तुझा रुंद रुंद पाला

तुझ्या सावलीत राम राया झोपी गेला  || ४ ||

विठ्ठल विठ्ठल जप करिते मनात

करिते मनात उभी तुळशीच्या बनात || धृ ||

                                                              —⸎ — ⸎ — ⸎ —

भजन - ६

चालता.... घ्यावे हरीचे नाम

विठू भक्ताचे करितो गं कल्याण || धृ ||

संत तुकारामा घरी,

गाथा वाचू लागे हरी

कीर्तने नाचतो घनश्याम

विठू भक्ताचे करितो गं कल्याण || १ ||

संत जनाबाईच्या घरी,

दळण दळू लागे हरी

ओव्या गं गातोय घनश्याम

विठू भक्ताचे करितो गं कल्याण || २ ||

संत सावता च्या घरी,

भाजी काढू लागे हरी

जुड्या ग बांधितो घनश्याम

विठू भक्ताचे करितो गं कल्याण || ३ ||

संत कबीराच्या घरी,

शेला विनू लागे हरी

नक्षी ग काढतो घनश्याम

विठू भक्ताचे करितो गं कल्याण || ४ ||

चालता.... घ्यावे हरीचे नाम

विठू भक्ताचे करितो गं कल्याण || धृ |

           —⸎ — ⸎ — ⸎ —

भजन - ७

टाळ वाजतो मृदुंग वाजतो

देव संतांच्या मेळ्यात नाचतो || धृ ||

भाजी खुडीता देव दमले

जुड्या बांधत हात शिनले

टाळ वाजतो मृदुंग वाजतो ... || १ ||

दळण दळीता देव दमले

पीठ भरता बोट शिणले

टाळ वाजतो मृदुंग वाजतो .... || २ ||

शेले विनिता देव दमले

रंग भरता हात शिणले

टाळ वाजतो मृदुंग वाजतो .... || ३ ||

चिखल तुडविता देव दमले

मडके घडविता हात शिनले

टाळ वाजतो मृदुंग वाजतो ..... || ४ ||

टाळ वाजतो मृदुंग वाजतो

देव संतांच्या मेळ्यात नाचतो || धृ ||

—⸎ — ⸎ — ⸎ —

भजन - ८

आज आहे एकादशी ध्यानामध्ये घ्या

देवा तुम्ही फराळाला लवकर या

वारकरी विठू भक्त निष्ठले पहा

रखुमाईच्या सवे तुम्ही फराळाला या || धृ ||

चंदनाचे पाट, चांदीचे ताट

समया चार, फराळाचा थाट

उदबत्तीचा सुवास देवा तुम्ही घ्या

रखुमाईच्या सवे तुम्ही फराळाला या || १ ||

नाना केले पकवान मी पुढे मांडते

भगरीच्या खिचडी वर आमटी देते

बटाट्याच्या भाजीचा स्वाद तुम्ही घ्या

रखुमाईच्या सवे तुम्ही फराळाला या || २ ||

उपवासाच्या चकल्या, शिंगाड्याची बोंडे

फराळाचा चिवडा, खीर - बर्फी - पेढे

राजगिऱ्याचा गरम शिरा सावकाश घ्या

रखुमाईच्या सवे तुम्ही फराळाला या || ३ ||

ताजे दूध आणून या बासुंदी केली

चांदीच्या या वाटीमध्ये तुम्हा अर्पिली

श्रीखंडाची वडी तुम्ही उचलून घ्या

रखुमाईच्या सवे तुम्ही फराळाला या || ४ ||

फराळ झाल्यावर हा सुवर्ण पेला

गंगाजल देते देवा तुम्हा पिण्याला

लवंग वेलदोड्याची मुखशुद्धी तुम्ही घ्या

रखुमाईच्या सवे तुम्ही फराळाला या || ५ ||

हात जोडून या एक करते विनंती

शरण आली दासी प्रभू तुमच्या चरणाशी

आशीर्वाद देऊनीया निरोप आता घ्या

रखुमाईच्या सवे तुम्ही फराळाला या || ६ ||

आज आहे एकादशी ध्यानामध्ये घ्या

देवा तुम्ही फराळाला लवकर या

वारकरी विठू भक्त निष्ठले पह

रखुमाईच्या सवे तुम्ही फराळाला या || धृ ||

—⸎ — ⸎ — ⸎ —

भजन - ९

टाळ वाजतो वाजतो खनखन

या माऊलीच्या दिंडीला कोण कोण || धृ ||

सासू-सासरा एकात

मृदुंग घेतला हातात

टाळ वाजतो वाजतो खनखन .... ||१ ||

जाऊ भासरा एकात

विना घेतला हातात

टाळ वाजतो वाजतो खनखन .... ||२ ||

वीर ननंद एकात

टाळ घेतला हातात

टाळ वाजतो वाजतो खनखन .... ||३ ||

टाळ वाजतो वाजतो खनखन

या माऊलीच्या दिंडीला कोण कोण || धृ ||

—⸎ — ⸎ — ⸎ —

हे पण नक्की वाचा 👇👇👇

• सावळ्या विठ्ठला तुझे रे मला वेड लागले Lyrics
• आता कोठे धावे मन Lyrics
• Aamhi Jato Amuchya Gava Lyrics Marath
• Hartalika Bhajan Marathi Lyrics

तर आज या पोस्टमध्ये आपण, Ekadashi Bhajan Marathi मधून बघितले.

पोस्ट पूर्ण वाचल्याबद्दल खूप खूप धन्यवाद 🙏🙏🙏